Funi ehf

Sérverslun með arinvörur-Kamínur-Eldstæði-Eldiviður Almennar upplýsingar Við sinnum allri almennri blikksmíði, auk þess að sérsmíða. Við bæði smíðum og sjáum um uppsetningu á loftræsi- og lofthitakerfi ásamt því að sinna ýmsu viðhaldi því tengdu. Blikkás-Funi framleiðir Breiðfjörðsmótatengi sem eru alíslensk uppfinning og eru tengin notuð við mótauppslátt á steyptum veggeiningum. Mótatengin eru framleidd fyrir ýmsar veggþykktir og eru þau til sölu í öllum helstu byggingavöruverslunum auk þess sérhæfum við okkur í smíði á loft- og brunalokum. Blikkás-Funi hefur á hverri stundu að geyma stórlager af rennu og niðurfallskerfum frá sænska framleiðandanum Plannja Siba. Kerfin koma í mörgum litum eða aluzinki en framleiðslan er ávalt gerð úr stáli kjarna, sem gefur rennukerfinu hámarks styrk og endingu við Íslenskar aðstæður. Handverkið í hávegum haft. Blikkás-Funi hefur á að skipa metnaðarfullum mannskap, þar sem stór hluti starfsmanna okkar eru faglærðir meistarar og sveinar með víðtæka starfsreynslu og hæfni. Þótt fyrirtækið sé vel tækjum búið, leggjum við mikla áherslu á handverkshefðina og sinnum öllum verkum, stórum sem smáum. Það er okkur kappsmál að þjónusta viðskiptavini okkar sem best, sama hvað hann vanhagar um. Stærsta arinverslun landsins Blikkás-Funi flutti í upphafi árs 2006 undir eitt þak að Smiðjuvegi 74, Kópavogi, en þar var á sama tíma opnuð stærsta sérhæfða verslun með eldstæði og arinvörur. Starfsmenn Blikkás-Funa sérhæfa sig í hönnun, smíði og uppsetningu reykröra.