Kælitækni ehf

Kælitækni kappkostar við að veita viðskiptavinum sínum faglega ráðgjöf við val á réttum búnaði og kerfum hverju sinni.

Hjá Kælitækni starfa menn sem hafa áratuga reynslu af kælingu og frystingu. Fyrirtækið á einnig gott samstarf við marga kæliverktaka er varðar uppsetningu og þjónustu á þeim búnaði, sem Kælitækni selur auk þess að vera tryggustu viðskiptavinir fyrirtækisins hvað varðar íhluti til kæli- og frystikerfa.

Viðskiptavinir Kælitækni spanna í dag breiðan hóp sem eru í raun allir sem þurfa á kælingu eða frystingu að halda. Gildir þá einu hvort um er að ræða lausnir í hraðfrysti eða ískerfum fyrir sjávarútveginn og fiskverkunarfyrirtæki, hraðkæla fyrir matvælavinnslur, klakavélar, kæli og frystimublur fyrir hótel og veitingahús eða loftkælikerfi fyrir skrifstofur og tölvurými svo nokkuð sé nefnt. Þá hefur Kælitækni einnig hannað sérstök fiskþurrkunarkerfi fyrir fiskvinnslu með góðum árangri. Þess má einnig geta að Kælitækni hefur yfir 10 ára reynslu í krapakælingu og var meðal brautryðjenda í lausnum með krapa.

Kælitækni hefur einnig þjónustað kæliverktaka um árabil og er með öfluga heildsölu. Fyrirtækið vinnur náið með flestum kæliverktökum landsins og veitir þeim ráðgjöf og þjónustu á öllum þeim vörum og tækni sem Kælitækni selur. Vöruframboðið er stöðugt að aukast og kappkostar Kælitækni að eiga sem mest úrval af vörum og íhlutum fyrir kæliverktaka. Hjá Kælitækni í dag fást flestar þær vörur sem fagmenn í Kælibransanum þurfa á að halda. Því má segja að Kælitækni sé að verða “Sérverslun Kæliverktakans”

Kælitkækni er með umboð frá mörgum heimsþekktum birgjum í kælingu og frystingu. Kælitækni er einnig í samstarfi við ýmsa af þessum birgjum er lítur að þróun og hönnun s.s. North Star, Finsam, Geneglace, Teknoterm, Bitzer, Mycom, og DSI.