Furðufuglar ehf

Gæludýraverslunin Furðufuglar og fylgifiskar rekur Fuglahótelið Paradísarheimt að Borgarholtsbraut 20, 200 Kópavogi. Þar er hægt að geyma fugla og smærri dýr í lengri eða skemmri tíma. Yfirleitt koma fuglarnir með eigið húsnæði til að röskunin verði sem minnst. Hótelgestir fá að hitta og heyra í öðrum fuglum og er yfirleitt mikið talað og sungið meðan á vistinni stendur. Sé þess óskað fá fuglarnir að vera lausir eða hótelstarfsmenn handleika þá. Gistigjald er mjög hóflegt og matur og drykkur er innifalinn. Nánari upplýsingar í síma 581 1191 og 699 3344. Hringja má í þessa síma í neyðartilvikum.

FUGLAÞJÓNUSTA F&F
Gæludýraverslunin Furðufuglar og fylgifiskar við Borgarholtsbraut býður upp á margvíslega þjónustu fyrir fugla- eigendur ss. vængsnyrtingu, goggsnyrtingu, nefhreinsun og klóaklippingu. Við getum hjálpað með blóðfjaðrir, ráðlagt um fæðuvandamál, veitt fyrstu hjálp og vísað á góða dýralækna gerist þess þörf.