Saltkaup ehf

Saltkaup ehf., var stofnað árið 1990. Framkvæmdastjóri er Hilmar Þór Hilmarsson og fastráðnir starfsmenn eru 15 talsins.

Aðalstarfsstöð Saltkaupa ehf., er í Hafnarfirði, en að auki eru haldnar saltbirgðir á ýmsum stöðum á ströndinni s.s. í Grindavík, á Dalvík, Húsavík, Höfn og í Vestmannaeyjum.

Saltkaup er í innflutningi og sölu á umbúðum fyrir flest alla atvinnustarfsemi, eins og sjávarútveg, kjötiðnað og verslanir.

Fyrirtækið er einnig leiðandi í innflutningi og sölu á fiski- og götusalti, ásamt tunnum og íbætiefnum.

Saltkaup býður meðal annars upp á sérmerktar umbúðir fyrir þá viðskiptavini sem vilja hafa sínar vörur sýnilegri á markaði.

Einnig eru ómerktar umbúðir stór hluti innflutnings og sölu.

Saltkaup kappkostar að veita viðskiptavinum sínum góða og örugga þjónustu, með gæði og hagstætt verð að leiðarljósi.

Sérþekking starfsmanna okkar er ríkur þáttur í því að veita góða þjónustu.

Saltkaup selur stærstan hluta af sínum vörum til íslenskra framleiðslufyrirtækja en einnig þjónustar fyrirtækið innlendar útgerðir, s.s. ferskfisk- og frystiskip.

Vöruúrvalið hjá Saltkaupum er afar fjölbreytt og er sífellt í endurskoðun til að mæta þörfum viðskiptavina og má þar nefna krydd, marineringar, plastfötur, plastbretti, burðarpoka og sorppoka.

Helstu viðskiptalönd Saltkaupa, auk Íslands, eru: Bretland, Danmörk, Litháen, Noregur, Spánn, Túnis, Þýskaland, Sádí-Arabía og fleiri.