Mynd af Safnahúsið

Safnahúsið



Sjónarhorn er grunnsýning í sjónrænum menningararfi Íslendinga.

Safnahúsið við Hverfisgötu, áður Þjóðmenningarhúsið, sem var vígt 28. mars 1909 hefur nú fengið gamla nafn sitt aftur. Um þessar mundir er unnið að grunnsýningu um íslenska listasögu og sjónrænan menningararf sem fyrirhugað er að opnuð verði í Safnahúsinu haustið 2014.

Það er í anda samstarfs nokkurra stofnana sem að sýningunni standa að nafnbreytingin á sér stað nú, en stofnanirnar eru Þjóðminjasafn Íslands, sem sér um rekstur hússins, Listasafn Íslands, Náttúruminjasafn Íslands, Þjóðskjalasafn Íslands, Landsbókasafn Íslands - Háskólabókasafn og Stofnun Árna Magnússonar í íslenskum fræðum.

Sýningarstjóri nýrrar grunnsýningar Safnahússins er Markús Þór Andrésson en valinn hluti safnkosts áðurnefndra menningarstofnana verður til sýnis, frá elstu varðveittu heimildum til dagsins í dag. Samstarf þessara stofnana býður upp á einstakt tækifæri til að skoða arfleifðina í nýju samhengi og varpa ljósi á ósagða sögu með nýstárlegum hætti. Markmið aðstandenda sýningarinnar er að ná sérstaklega til skólafólks og fjölskyldna en um leið til ferðamanna.

Í Safnahúsinu er aðstaða er fyrir sýningar, fundi, tónleika, samkomur, fyrirlestra, listviðburði, opinberar athafnir og aðra viðburði.


Starfsmenn

Margrét Hallgrímsdóttir

Forstöðumaður
thjodminjasafn@thjodminjasafn.is
c