Sjóklæðagerðin hf - 66°Norður

Sjóklæðagerðin - 66°Norður er eitt elsta framleiðslufyrirtæki landsins, stofnað árið 1926, og hefur um áratuga skeið verið leiðandi í framleiðslu á sjó- og vinnufatnaði. Undanfarinn áratug hefur fyrirtækið vaxið hratt með aukinni framleiðslu og sölu á fjölbreyttum fatnaði til útivistar. 66°Norður notar eingöngu bestu fáanlegu efnin hverju sinni og er í góðu samstarfi við endanlegan notanda. Í því sambandi má nefna náið samstarf fyrirtækisins við Slysavarnarfélagið Landsbjörgu og Lögregluna. Vörulína 66°Norður er mjög fjölbreytt allt frá ungbarnafatnaði til hágæða útivistarfatnaðar gerðum fyrir erfiðustu aðstæður. 66°Norður hefur unnið fjölda verðlauna bæði fyrir framúrskarandi hönnun og markaðmál.

Sjóklæðagerðin hf. rekur 12 verslanir á Íslandi undir vörumerkjum 66°Norður og Rammagerðarinnar. Auk þess sem vörur fyrirtækisins fást í yfir 100 verslunum í 15 löndum. Höfuðstöðvar fyrirtækisins eru í Miðhrauni 11, Garðabæ. Heimasíða fyrirtækisins er: www.66north.is.