Kampi ehf

Kampi ehf rekur fullkomna rækjuvinnslu á Ísafirði sem byggir á langri reynslu við vinnslu og sölu á rækjuafurðum og er leiðandi fyrirtæki á sínu sviði. Þá rekur fyrirtækið mjölvinnslu í húsnæði sínu í Bolungarvík auk annarar starfsemi.

Markmið Kampa ehf er að framleiða afurðir sem uppfylla ströngustu kröfur kaupenda og neytenda. Til að svo megi vera er eingöngu notast við fyrsta flokks hráefni, hvort heldur sem um er að ræða hráefni veitt á Íslandsmiðum eða innflutt hráefni.

Kampi ehf hefur uppi mjög strangar gæðakröfur í öllu vinnsluferlinu og hefur á að skipa hæfu starfsfólki sem hefur mikla þekkingu og reynslu á þessu sviði. Fyrirtækið hefur öll þau vinnslu- og starfsleyfi sem þarf til að starfrækja fullkomna matvælavinnslu og hefur vottun frá óháðum innlendum og erlendum vottunar- og skoðunaraðilum.