Mynd af Listaskóli Mosfellsbæjar

Listaskóli Mosfellsbæjar

Listaskóli Mosfellsbæjar


Aðsetur: Háholt 14, 3. og 4. hæð
Símar: 566 6319 og 566 6819
Skólastjóri: Atli Guðlaugsson
Opnunartími: Alla virka daga milli kl. 13:00 - 17:00
Listaskóli Mosfellsbæjar er rekinn og studdur af sveitarfélaginu.

Listaskólinn samanstendur af:
Tónlistardeild (áður Tónlistarskóli Mosfellsbæjar)
Skólahljómsveit Mosfellsbæjar
Myndlistarskóla Mosfellsbæjar
Leikfélagi Mosfellssveitar



Allar undirstofnanir Listaskólans nema tónlistardeildin eru reknar sem sjálfstæðar einingar og gerðir hafa verið samstarfssamningar á milli Listaskólans og Skólahljómsveitar Mosfellsbæjar, Myndlistarskóla Mosfellsbæjar og Leikfélags Mosfellssveitar.

Listaskóli Mosfellsbæjar var stofnaður 1. febrúar 2006 og hefur tónlistardeild hans tekið við hlutverki Tónlistarskóla Mosfellsbæjar, en hann var stofnaður árið 1966 og starfaði samkvæmt lögum nr. 75/1985. Listaskólinn skipar fastan sess í fræðslu- og menningarlífi bæjarins og starfar í nánu samstarfi við Skólahljómsveit Mosfellsbæjar, Myndlistarskóla Mosfellsbæjar og Leikfélag Mosfellssveitar.. Hlutverk tónlistardeildar er að efla almenna tónlistarfræðslu og gera öllum kleift að stunda nám í hljóðfæraleik og söng, sem þess óska.

Markmið Listaskólans er að samþætta starfsemi þessara stofnana og að tryggja tengsl milli þeirra. Þá er lögð áhersla á að fléttuð verði saman starfsemi Listaskólans við grunn- og leikskóla. Hlutverk Listaskólans er einnig að auka tengsl við aðila utan stofnana bæjarins, ekki síst starfandi listamenn. Það má því segja að Listaskóli Mosfellsbæjar sé regnhlíf yfir fjölbreytta listastarfsemi í Mosfellsbæ.

Starfsmenn

Atli Guðlaugsson

Skólastjóri
c