Gistihúsið Fosshóll v/Goðafoss

Fosshóll stendur á gilbarmi Skjálfandafljóts á krossgötum þjóðvegar 1 og Sprengisandsvegar, um 500 m frá Goðafossi. - Staðurinn er miðsvæðis og jafn langt til Akureyrar, Mývatns og Húsavíkur þ.e. 50km. - Alls býður gistihúsið upp á 26 herbergi. (uppbúin rúm eingöngu) Flest eru þau í sérhúsi en nokkur eru samt í gamla gula húsinu. - Opið er allt árið en hafðu í huga að mikil eftirspurn er eftir gistingu hér á sumrin og því nauðsynlegt að panta með löngum fyrirvara. - Hér er einnig tjaldstæði, verslun, banki og bensínsala auk handverksmarkaðar. Veitingasalurinn rúmar 50 manns í sæti og er opinn á sumrin frá því snemma á morgnana þar til seint á kvöldin. - Hann snýr gluggahlið að Goðafossi og því er útsýnið harla fallegt. - Staðurinn hefur fullt vínveitingaleyfi og er barinn opinn á sumrin alla daga vikunnar til kl. 23:30, en utan ferðamannatíma eftir samkomulagi.